വരുവാനില്ലാരുമിങ്ങൊരുനാളുമീവഴി-
ക്കറിയാം അതെന്നാലുമെന്നും
പ്രിയമുള്ളോരാളാരോ വരുവാനുണ്ടെന്നു ഞാന്
വെറുതേ മോഹിക്കുമല്ലോ
എന്നും വെറുതേ മോഹിക്കുമല്ലോ
പലവട്ടം പൂക്കാലം വഴിതെറ്റിപ്പോയിട്ട-
ങ്ങൊരുനാളും പൂക്കാമാങ്കൊമ്പില്
അതിനായിമാത്രമായൊരുനേരം ഋതുമാറി
മധുമാസമണയാറുണ്ടല്ലോ
വരുവാനില്ലാരുമീ വിജനമാമെന്വഴി-
ക്കറിയാം അതെന്നാലുമെന്നും
പടിവാതിലോളം ചെന്നകലത്താവഴിയാകേ
മിഴിപാകി നില്ക്കാറുണ്ടല്ലോ
മിഴിപാകി നില്ക്കാറുണ്ടല്ലോ
പ്രിയമുള്ളോരാളാരോ വരുവാനുണ്ടെന്നു ഞാന്
വെറുതേ മോഹിക്കാറുണ്ടല്ലോ
വരുമെന്നുചൊല്ലിപ്പിരിഞ്ഞുപോയില്ലാരും
അറിയാം അതെന്നാലുമെന്നും
പതിവായി ഞാനെന്റെ പടിവാതിലെന്തിനോ
പകുതിയേ ചാരാറുള്ളല്ലോ
പ്രിയമുള്ളോരാളാരോ വരുവാനുണ്ടെന്നു ഞാന്
വെറുതേ മോഹിക്കുമല്ലോ
നിനയാത്തനേരത്തെന് പടിവാതിലില് ഒരു
പദവിന്യാസം കേട്ടപോലെ
വരവായാലൊരുനാളും പിരിയാതെ മധുമാസം
ഒരുമാത്ര കൊണ്ടുവന്നല്ലോ
ഇന്ന് ഒരുമാത്ര കൊണ്ടുവന്നല്ലോ
കൊതിയോടെയോടിച്ചെന്നകലത്താ-
വഴിയിലേക്കിരുകണ്ണും നീട്ടുന്നനേരം
വഴിതെറ്റിവന്നാരോ പകുതിക്കുവച്ചെന്റെ
വഴിയേ തിരിച്ചുപോകുന്നു
എന്റെ വഴിയേ തിരിച്ചുപോകുന്നു
എന്റെ വഴിയേ തിരിച്ചുപോകുന്നു
ചിത്രം: മണിച്ചിത്രത്താഴ്
വരികള്: ഒ എന് വി
സംഗീതം: എം ജി രാധാകൃഷ്ണന്
ആലാപനം: ചിത്ര
എനിക്കിഷ്ടപ്പെട്ട ചില ഗാനങ്ങള്.... കേള്ക്കാന് ഇമ്പമുള്ളതും, എണ്റ്റെ വിശ്രമ വേളകളീല് ഞാന് സ്ഥിരമായി കേള്ക്കാറുമുള്ള ചില ഗാനങ്ങള് ഞാനിവിടെ ഉള്പ്പെടുത്തുന്നു. എല്ലാം മലയാള ഗാനങ്ങള് ആണ്... നിങ്ങള്ക്കും ഇതിഷ്ടപ്പെടും എന്നു കരുതുന്നു.
Subscribe to:
Post Comments (Atom)
No comments:
Post a Comment