ആരോടും മിണ്ടാതെ മിഴികളില്‍ നോക്കാതെ
മഞ്ഞില്‍ മായുന്ന മൂകസന്ധ്യേ
ഈറന്‍‌നിലാവിന്‍ ഹൃദയത്തില്‍ നിന്നൊരു പിന്‍‌വിളി കേട്ടില്ലേ
മറുമൊഴി മിണ്ടീല്ലേ
കാതരമുകിലിന്റെ കണ്‍പീലിത്തുമ്പിന്മേല്‍ ഇടറിനില്‍പ്പൂ കണ്ണീര്‍ത്താരം (2)
വിരലൊന്നു തൊട്ടാല്‍ വീണുടയും കുഞ്ഞുകിനാവിന്‍ പൂത്താലം
മനസ്സിന്‍ മുറിവില്‍ മുത്താം ഞാന്‍
നെറുകില്‍ മെല്ലെ തഴുകാം ഞാന്‍... (ആരോടും മിണ്ടാതെ)
പ്രാവുകള്‍ കുറുകുന്ന കൂടിന്റെ അഴിവാതില്‍ ചാരിയില്ലേ കാണാകാറ്റേ (2)
പരിഭവമെല്ലാം മാറിയില്ലേ ചായുറങ്ങാന്‍ നീ പോയില്ലേ
അലിവിന്‍ ദീപം പൊലിയുന്നു
എല്ലാം ഇരുളില്‍ അലിയുന്നു... (ആരോടും മിണ്ടാതെ)
ചിത്രം : ചിന്താവിഷ്ടയായ ശ്യാമള
ആലാപനം : യേശുദാസ്
വരികള്‍ : ഗിരീഷ് പുത്തഞ്ചേരി
സംഗീതം : ജോണ്‍സണ്‍
Subscribe to:
Post Comments (Atom)
No comments:
Post a Comment