ചാഞ്ചാടിയാടീ ഉറങ്ങൂ നീ
ചരിഞ്ഞാടിയാടി ഉറങ്ങൂ നീ
ആകാശത്തൂഞ്ഞാലാടു് നീ
കാണാക്കിനാക്കണ്ടുറങ്ങു നീ....(ചാഞ്ചാടിയാടീ...)
അമ്പോറ്റിയെ നീ കണ്ടോണ്ടുറങ്ങുമ്പം
കല്‍ക്കണ്ടക്കുന്നൊന്നു കാണായ് വരും
കല്‍ക്കണ്ടക്കുന്നിന്റെ ഉച്ചീല് ചെല്ലുമ്പം
അമ്പിളിത്തമ്പ്രാന്റെ കോലോം കാണാം
ആ കോലോത്തെത്തുമ്പോള്‍ അവിടെ
എന്തൊരു രസമെന്നോ
പാല്‍ക്കാവടിയുണ്ട് അരികെ പായസപ്പുഴയുണ്ട്
അവിടെ കാത്തുകാത്തൊരമ്മയിരിപ്പുണ്ട്....(ചാഞ്ചാടിയാടീ...)
അമ്മ നടക്കുമ്പോള്‍ ആകാശച്ചെമ്പൊന്നിന്‍
ചിലമ്പാതെ ചിലമ്പുന്ന പാദസരം
അമ്മേടെ കയ്യിലെ കിങ്ങിണിക്കളിപ്പാട്ടം
കിലുങ്ങാതെ കിലുങ്ങുന്ന കിലുക്കാം‌പെട്ടി
ആ പെട്ടി തുറന്നാലോ അതിലായിരം നക്ഷത്രം
ആ നക്ഷത്രക്കൂട്ടില്‍ നിറയെ സ്‌നേഹക്കാവടികള്‍
കിളി പാടും പാട്ടിലൊരമ്മ മനസ്സുണ്ട് ....(ചാഞ്ചാടിയാടീ...)
ചിത്രം : മകള്‍ക്ക്
രചന: കൈതപ്രം
സംഗീതം: രമേഷ് നാരായണന്‍
പാടിയത്: അദ്‌നാന്‍ സ്വാമി
Subscribe to:
Post Comments (Atom)
No comments:
Post a Comment