കണ്ണ് നട്ട് കാത്തിരുന്നിട്ടും...

കണ്ണ് നട്ട് കാത്തിരുന്നിട്ടും .........കണ്ണ് നട്ട് കാത്തിരുന്നിട്ടും
കണ്ണ് നട്ട് കാത്തിരുന്നിട്ടും .....എന്റെ
കരളിന്റെ കരിമ്പുതോട്ടം കട്ടെടുത്തതാരാണ്‍ ഓ..ഒ ..ഓ
കട്ടെടുത്തതാരാണ് അ.. അ ... അ
പൊന്നുകൊണ്ട് വേലി കെട്ടീട്ടും എന്റെ
കല്‍ക്കണ്ടക്കിനാവു പാടം കൊയ്തെടുത്തതാരാണ്
ഓ.....ഒ...ഓ.. കൊയ്തെടുത്തതാരാണ്

കുമ്പിളില്‍ വിളമ്പിയ പൈമ്പാലെന്നോര്‍ത്തു ഞാന്‍
അമ്പിളിക്കിണ്ണത്തെ കൊതിച്ചിരുന്നു (2)
അന്നത്തെ അന്തിയില്‍ അത്താഴപ്പാത്രത്തില്‍
അമ്മ തന്‍ കണ്ണീരോ തിളച്ചിരുന്നു
അങ്ങനെ ഞാനെന്നും കരഞ്ഞിരുന്നു [കണ്ണ് നട്ട് കാത്തിരുന്നിട്ടും ]

കിളിച്ചുണ്ടന്‍ മാവില്‍ കണ്ണെറിഞ്ഞന്നു ഞാന്‍
കനിയൊന്നു വീഴ്ത്തി ഒളിച്ചു വച്ചു
നീയതു കാണാതെ കാറ്റിന്റെ മറവിലൂ-
ടക്കരെയ്ക്കെങ്ങോ തുഴഞ്ഞു പോയി
കടവത്തു ഞാന്‍ മാത്രമായി

കണ്ണ് നട്ട് കാത്തിരുന്നിട്ടും എന്റെ
കരളിന്റെ കരിമ്പുതോട്ടം കട്ടെടുത്തതാരാണ്
പൊന്നുകൊണ്ട് വേലി കെട്ടീട്ടും എന്റെ
കല്‍ക്കണ്ടക്കിനാവു പാടം കൊയ്തെടുത്തതാരാണ്....

ചിത്രം: കഥാവശേഷന്‍
വരികള്: ഗിരീഷ് പുത്തഞ്ചേരി
സം‌ഗീതം: എം.ജയചന്ദ്രന്‍
ആലാപനം: വിദ്യാധരന്‍ മാസ്റ്റര്‍ , പി.ജയചന്ദ്രന്‍