ചീരപ്പൂവുകള്‍ക്കുമ്മ

ചീരപ്പൂവുകള്‍ക്കുമ്മ കൊടുക്കണ നീലക്കുരുവികളേ..
തെന്നലറിയാതെ..അണ്ണാ‍രക്കണ്ണനറിയാതെ..
വിങ്ങിക്കരയണകാണാപ്പൂവിന്റെ കണ്ണീരൊപ്പാമോ..
ഊഞ്ഞാലാട്ടിയുറക്കാമോ.. (ചീരപ്പൂവുകള്‍ക്കുമ്മ...)

തെക്കെ മുറ്റത്തെ മുത്തങ്ങാപുല്ലില്‍...
മുട്ടിയുരുമ്മിയൊരുങ്ങിയിരിക്കണ..പച്ചക്കുതിരകളേ...
തെക്കെ മുറ്റത്തെ മുത്തങ്ങാപുല്ലില്‍...
മുട്ടിയുരുമ്മിയൊരുങ്ങിയിരിക്കണ..പച്ചക്കുതിരകളേ...
വെറ്റിലനാമ്പുമുറിക്കാന്‍ വാ..
കസ്തുരിച്ചുണ്ണാമ്പുതേയ്ക്കാന്‍ വാ..
കൊച്ചരിപല്ലുമുറുക്കിച്ചുവക്കുമ്പോള്‍..
മുത്തശ്ശിയമ്മയെക്കാണാന്‍ വാ.... (ചീരപ്പൂവുകള്‍ക്കുമ്മ...)

മേലെ വാര്യത്തെ..പൂവാലിപയ്യ്..
നക്കിതുടച്ചുമിനുക്കിയൊരുക്കണ കുട്ടികുറുമ്പുകാരി...
മേലെ വാര്യത്തെ..പൂവാലിപയ്യ്..
നക്കിതുടച്ചുമിനുക്കിയൊരുക്കണ കുട്ടികുറുമ്പുകാരി...
കിങ്ങിണിമാലകിലുക്കാന്‍ വാ..കിങ്ങിണിപ്പുല്ലു കടിക്കാന്‍ വാ..
തൂവെള്ളികിണ്ടിയില്‍ പാലുപതയുമ്പോള്‍..
തുള്ളിക്കളിച്ചു..നടക്കാന്‍ വാ.. (ചീരപ്പൂവുകള്‍ക്കുമ്മ...)


ചിത്രം: ധനം
വരികള്: കൈതപ്രം
സം‌ഗീതം: രവീന്ദ്രന്
ആലാപനം: ചിത്ര